الرئيسية > آش واقع > الصبليون فمليلية جراو على الحراكة من مركز ايواء
22/06/2021 16:30 آش واقع

الصبليون فمليلية جراو على الحراكة من مركز ايواء

الصبليون فمليلية جراو على الحراكة من مركز ايواء

كود الناظور///

تاخذات سلطات مليلية المحتلة، قرار بطرد المئات من الحراكة لي كانو كيباتو ف بلاصا دي توروس، المبنى اللي كان مأوى لهم لشهور طويلة هلال جائحة كورونا.

الجمعية المغربية لحقوق الإنسان، فرع الناظور، قالت ان طرد المهاجرين من المبنى، رجعهوم مشردين فشوارع المدينة المحتلة، وعتابرات  أن هاد الطرد خطوة كتعرض هاد الحراكة للخطر، بعدما لقاو راسهوم مضطرين لمحاولة الهجرة بشكل غير شرعي نحو إسبانيا، على متن البواخر اللي خارحة من مليلية المحتلة، وهادشي ايعرضهم لخطر اكبر، فالوقت اللي كان الوضع كيلزم إدماجهم داخل المدينة السليبة.

حكومة المدينة المحتلة، تحججات بانتهاء عقود المكلفين بالإشراف على مبنى بلاصا دي توروس باش تطرد الحراكة، بعدما كانت استقبلت ستين منهم فمركز للمهاجرين، وبقاو لوخرين عرضة للتشرد فالشوارع، وكيتعلق الأمر بقاصرين سابقين، كانوا دخلوا بطريقة غير قانونية المدينة المحتلة.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة