گود سبور//

كيفما كان متوقع، تعاقب الدولي المغربي عبد الكبير عبقار لاعب خيتافي بسبب الحادث ديالو من ألكسندر سورلوث لاعب أتليتيكو مدريد ضمن منافسات بطولة إسبانيا، ملي مسو فالمناطق الحساسة ديالو.

وقررت لجنة الانضباط فرابطة بطولة الصبليون، معاقبة عبد الكبير عبقار، ووقفاتو ما يلعبش 2 ماتشات مع الفريق ديالو خيتافي، بسبب السلوك ديالو حيث مس الخصم ديالو فحجرو، مع العلم أن حكم الماتش طرد عبقار ملي وقع هذا الشي بعدما راجع اللقطة فالفار.

وكان عبد الكبير عبقار نفى أنه كان باغي يمس اللاعب الخصم فحجرو، ووضح فتصريح له ورا الماتش “فالفيديو شفتو بلي ما كنتش كانشوف فيه، وما كانش فبالي هذا الشي، وكنت ناوي غير نتصاطح معه”.