كود سبور//

نزل الاتحاد الإسباني لكرة القدم، بالعقوبة على الدولي المغربي إلياس أخوماش، بسبب السلوك ديالو فماتش الفريق ضد ريال سوسيداد الويكاند اللي فات فبطولة الصبليون، واخا ما كايلعبش حيث مازال ما واجد بسبب الاصابة اللي كانت تعرض لها فنوفمبر اللي فات.

وكشفت جريدة “موندو ديبورتيفو” أن الاتحاد الإسباني لكرة القدم، قرر معاقبة إلياس أخوماش، بعدما حيح ملي سالا ماتش الفريق ضد ريال سوسيداد، وبدا يغوت على الحكم “هذا عار هذا عار” وضرب ليكرون ديال تقية Var بالكورة حتى طاحت، ووقفوه 3 ديال الماتشات.

وحسب نفس المصدر، فمن حق  فياريال يديرو استئناف على العقوبة اللي نزلت على إلياس أخوماش، مع العلم ان ان اللاعب ما كانش مكونفوكي مع الفريق والسلوك ديالو دارو حدا فالبون دو توش.