الرئيسية > آراء > الصبليون شعب محب للحياة و العلاقة ديالو مع الجسد متحررة ! البزازل عريانين فالبحر ماشي حشومة ! و ليكوبل كايتباوسو ماشي حشومة ! و الشراب ماشي ممنوع و حرام و حشومة ! داكشي علاش الناس من العالم كامل كايجيو للشواطئ الاسبانية باش يستمتعو بالصيف و يخسرو فلوس صحيحة !
07/08/2022 17:00 آراء

الصبليون شعب محب للحياة و العلاقة ديالو مع الجسد متحررة ! البزازل عريانين فالبحر ماشي حشومة ! و ليكوبل كايتباوسو ماشي حشومة ! و الشراب ماشي ممنوع و حرام و حشومة ! داكشي علاش الناس من العالم كامل كايجيو للشواطئ الاسبانية باش يستمتعو بالصيف و يخسرو فلوس صحيحة !

الصبليون شعب محب للحياة و العلاقة ديالو مع الجسد متحررة ! البزازل عريانين فالبحر ماشي حشومة ! و ليكوبل كايتباوسو ماشي حشومة ! و الشراب ماشي ممنوع و حرام و حشومة ! داكشي علاش الناس من العالم كامل كايجيو للشواطئ الاسبانية باش يستمتعو بالصيف و يخسرو فلوس صحيحة !

سهام البارودي – كود//

الصبليون اكثر تحررا ! عندهم علاقة مختلفة مع الجسد بالمقارنة مع دول اوروبية اخرى ! و هادشي كايبان فافلامهم مثلا كاتكون كاتفرج ماعليك مابيك حتى كايبينو ليك المسائل د الممثل هاكاك مكمشين فور كا ! واخا ماشي ضروريين فالمشهد ! و فالسبليون نيت فيك كاتلقى الشواطئ ديال الناس لي كايبغيو يعومو زبطين ! و حتى فالشواطئ العادية كاتلقى الاغلبية د العيالات كايعومو طوب ليس ! بزازلهم منشورين !

هاد الحرية بالاضافة للبنية التحتية المهمة لي عند اسبانيا كاتخلي الناس من العالم كامل يجيو ليها فالصيف باش يتبرعو فالشواطئ ديالها ! حتى المغاربة لي عندهم شوية د الامكانيات كايهربو ليها باش يلقاو راحتهم و يستمتعو بعطلتهم بلا ماينكدها عليهم لا عساس فالباركينغ لا سعاي فالرومبوان لا شي ولد القحبة مكبوت فالبحر !

العيالات كايعومو ببزازلهم عريانين ، ليكوبل كايتباوسو ، الناس كايشربو و هادشي ماكايعنيش انه الشواطئ عبارة عن بورديلات بالعكس ! الاحترام التام و ماكاينش شي واحد كايشوف فيك شوفة د الكبت ! كلشي جاي باش يستمتع ! تاواحد ماجايبو الكبت او الشفرة او البسالة و حتى الاطفال مربيين ! ماكاتسمعش ديك واااااااععع موّي بغييت بولووو !عافاك ذوقني من شوية د الفريت ! كاتعوم و تستمتع ببحر نقي لونو تيركواز ماشي كاتعوم حتى كاتلقا حداك شي خرية قد التمساحة ! هنا كاتلقا عائلات كايعومو حداك ! الجدة و الام و الابنة كلهم ناشرين بزازلهم !

هادشي باش اوروبا واعرة ! هادشي باش زوين انك تعيش فيها ! بهاد الحرية لي للاسف مازال ماوصلناش ليها فالمغرب ، هاد الحرية لي فاش كاذوق الطعم ديالها كايولي صعيب عليك ترجع تعيش بلا بيها و هادشي علاش بزاف ديال المغاربة كايفضلو كل صيف يدوزو من التجرجير ديال الڤيزا و يقطعو الطيارة و يضربو الكيلوميترات باش يستمتعو بالعطلة في اجواء د الحرية و الاستمتاع.

موضوعات أخرى

25/09/2022 13:30

واش الرئيس الكيني خوا بالمغرب فقضية الصحراء؟.. مصدر لـ”كود”: نيروبي غاتمشي مع الرباط وكاينا حرب دبلوماسية كبيرة ولقاءات مكثفة والاعلام المعادي كيدير المزايدات