الرئيسية > آش واقع > الصبليون زادت ضغطات علينا ومحتاجة لـ600 الف سائح ديالنا: غاديين نطبقو المعاملة بالمثل مع الرباط فقضية الدخول عندنا
02/07/2020 08:30 آش واقع

الصبليون زادت ضغطات علينا ومحتاجة لـ600 الف سائح ديالنا: غاديين نطبقو المعاملة بالمثل مع الرباط فقضية الدخول عندنا

الصبليون زادت ضغطات علينا ومحتاجة لـ600 الف سائح ديالنا: غاديين نطبقو المعاملة بالمثل مع الرباط فقضية الدخول عندنا

كود كازا ///

الحكومة عندنا هي ما فراسهاش وقتاش غاديين يتفتحو الحدود. الاتحاد الاوربي دارت لائحة من 15 دولة مسموح ليها تدخل حقاش ما عندهمش وضعية وبائية مقودة. يدخلو لا لا كارنطان ولا والو. غير هاد الاتفاق كيسمح لكل دولة من دول الاتحاد 27 يتاخدو القرار المناسب. المانيا حيدات 4 دول من هاد اللائحة وطيرات المغرب.

اسبانيا دارت شروط علي المغرب وعلى الصين: تطبيق المعاملة بالمثل. ايلى خلينا لمغاربة يدخلو بلا كارانطان بلا والو خاص الصبليون يدخلو عندكم للمغرب بنفس الشروط.

دابا هاد الشي خاصو اول شرط هو نعرفو الرباط وقتاش بعدا مقررة تفتح حدودها. هادا موضوع ولى بحال شي طابو فدولتنا. كل دول العالم عندهم تصور قبلي بناء على وضعية لبلاد الوبائية علي قطاع الصحة وطاقتو الاستيعابية… الا حنا ساكتين.

اسبانيا دايرة هاد الضغط باش تستافد من جوج نقاط: سبتة ومليلية وفتح الحدود البرية مع المغرب اي المعبر اللي تخنق اقتصاديا ثم وهادا هو الاهم يستافد الاقتصاد الاسباني من قرابة 600 الف مغربي كيزور اسبانيا خاصة جنوبها كل عام. عدد مهم فهاد الوقت محتاجاه بصفة خاصة مدن جنوب الاندلس.

اما ديك عملية مرحبا اللي قال وزير خارجيتنا باللي ما غادياش تكون كيف كانت٬ فحتى عمدة الخزيرات قال باللي ما فراسو والو.

واش الحدود غادية تعرف بعد انعقاد المجلس الوزاري اللي مازال حتى حد ما عارفو وقتاش يدار. من الجمعة وهو كيتاجل. فالمغرب خاصك تنسى وصافي

موضوعات أخرى