كود سبور//
ربحو إسبانيا كأس أوروبا للمرة الرابعة فالتاريخ ديالهم، بعدما غلبو النگليز اليوم الأحد ففينال يورو “ألمانيا 2024” فتيران برلين الأولمبي.
وسالا النهائي بين إسبانيا والنگليز بنتيجة 2 لواحد، وتسناو الصبليون حتى للشوط الثاني عاد ماركاو الهدف الأول فالدقيقة 47، بواسطة نيكو ويليامز اللي استغل أسيست ديال لامين يامال، ومن وراها ماركاو النگليز التعادل بواسطة كولر بالمير فالدقيقة 73، وفالوقت اللي كان كل شي كايتسناو الماتش يمشي للأشواط الإضافية، خطفو الصبليون الهدف الثاني ديال الرباح والتتويج بالكأس عن طريق ميگيل اويازابال فالدقيقة 86.
وبهذا الرباح توج المنتخب الإسباني بكأس أوروبا 2024 وهو اللقب الرابع له فكأس أوروبا بعد سنوات 1968، و2008، و2012، وهو المنتخب الأكثر تتويجا باليورو، أما منتخب النگليز فالعقدة مستمرة معها، وعمرو ما ربح كأس أوروبا.
