گود سبور//

قررت اسبانيا تعليق ماتش ودي بين منتخب الكونگو الديمقراطية والشيلي، احتياطا من فيروس ايبولا اللي متفشي فالكونگو الديمقراطية.

حتى لدابا الماتش بين الكونگو الديمقراطية والشيلي اللي تاريخو يوم 9 يونيو معلق، وحسب اتحاد الكونگو الديمقراطية لكرة القدم، كاينين صعوبات كبيرة باش يتلعب هذا الماتش فالصبليون.

السلطات بلدية لا لينيا دي لا كونسيبسيوس فالصبليون ما بغاتش تعطي ترخيص اقامة الماتش بين الكونگو الديمقراطية والشيلي، حيث هذا الماتش يعتبر تجمع والكونگو الديمقراطية اللي عندهم ايبولا طرف فهاد التجمع.

اتحاد الكونگو الديمقراطية لكرة القدم، كايحاول مع السلطات المختصة والاتحاد الإسباني لكرة القدم والهيئات الدولية المعنية، باش يلقاو شي حل سريع لهاد الماتش يتلعب.

مع العلم ان البيت الأبيض فرض على اتحاد الكونگو الديمقراطية لكرة القدم، يعزل افرد بعثة المنتخب ديالو فحجر صحي لمدة 15 يوم على الاقل قبل الوصول للميريكان  بسبب فيروس ايبولا، وهذا الشي اللي بغاو السلطات الأمريكية تخليهم يدخلو للأراضي ديالها يشاركو فمونديال 2026.