الرئيسية > آش واقع > الصبليون باغين يمتصو غضب المغرب وكيفكرو يوجهو دعوة زيارة للملك محمد السادس او يصيفطو وزير للرباط
04/06/2021 11:00 آش واقع

الصبليون باغين يمتصو غضب المغرب وكيفكرو يوجهو دعوة زيارة للملك محمد السادس او يصيفطو وزير للرباط

الصبليون باغين يمتصو غضب المغرب وكيفكرو يوجهو دعوة زيارة للملك محمد السادس او يصيفطو وزير للرباط

كريم الصوفي – كود//
[email protected]

بعد وصول الازمة بين الرباط ومدريد إلى طريق مسدود. الصبليون كيفكرو في حلول لإنهاء الأزمة. جريدة ” إل باييس” قالت أن الحكومة كتفكر في مجموعة من البدائل كتكليف ملك اسبانيا بمهاتفة الملك محمد السادس وتوجيه دعوة إليه باش يزور اسبانيا أو برمجة زيارة وزير من الحكومة الاسبانية للرباط ؟

وأضافت “إل باييس” أن الحكومة باغية تدير جيست زوين اتجاه المغرب باش الوضع ميتعقدش كثر بين البلدين، لأن الوضع الحالي، حسب مصادر ديبلوماسية، خطير بزاااف، في ظل انعدام الثقة. أولوية الحكومة الإسبانية دابا هي العودة إلى المسار الطبيعي للعلاقات في أقرب وقت ممكن.

الجريدة الاسبانية، قالت أن زيارة وزير إلى الرباط غادي يكون مهم لتقديم تفسيرات للرباط أو حتا دعوة الملك لمحمد السادس، لكن حسب “ال باييس” هاذ الشي ماشي اعتذار واخا المغرب غادي يفهم هاذ الجيست بذاك الشكل، لكنها تبقى خطوة نحو المصالحة.

“ال باييس” قالت أن وزيرة الخارجية “أرانشا غونزاليس لايا” تقدر تقوم بهاذ المهمة، لكن تقدر تواجه  بيئة معادية في المغرب، كما اقترحات الجريدة  وزير الداخلية “فرناندو غراندي مارلاسكا” اللي عندو قدرة على معالجة المشاكل المتعلقة بالهجرة وقضية الصحرا واخا ماشي اختصاصو..

موضوعات أخرى

19/06/2021 16:00

أكبر سبب في إكتظاظ السجون والوضعية المزرية لي كيعيشوها راه هو الإعتقال الإحتياطي، عوض تستافد الدولة من هاد الناس بالكفالات وحتى هوما في حالة كانو أبرياء ميكونوش تكرفصو في الحبس على والو

19/06/2021 15:30

السطوك تقاضا وقريب يبداو فالدفعة اللي توصل بيها المغرب اليوم.. غير 530 اللي خداو الجرعة اللولة من الفاكسان ضد كورونا و61 ألف خداو الثانية