الرئيسية > آش واقع > الصبليون : المحكمة الوطنية رجعات 15 ألف اورو للمتهم المغربي “الشبح” فهجمات برشلونة ف2017
12/01/2022 22:30 آش واقع

الصبليون : المحكمة الوطنية رجعات 15 ألف اورو للمتهم المغربي “الشبح” فهجمات برشلونة ف2017

الصبليون : المحكمة الوطنية رجعات 15 ألف اورو للمتهم المغربي “الشبح” فهجمات برشلونة ف2017

كريم الصوفي – كود//
[email protected]

قالت تقارير إسبانية، أن المحكمة الوطنية الإسبانية، المختصة بالنظر في قضايا الإرهاب والجريمة المنظمة أمرات، مؤخرا، بإرجاع محجوزات ديال جريمة برشلونة 2017، لمتهم مغربي وصفو الاعلام الاسباني بالشبح.

واضافت التقارير ذاتها، أن المتهم “الشبح” غادي يتوصل بمبلغ 15 ألف يورو وبيسيات وايصالات وشيكات وعدد من الحويجات اللي حجزوها البوليس خلال بداية التحقيق ف ملابسات الجريمة الارهابية اللي خلفات مقتل 16 ضحية، بعد ما تعرضو للدهس عمدا ف شارع لارامبلا بمدينة برشلونة.

المتهم الشبح هو مغربي عند محل تجاري تم اعتقالو مدة 5 أيام بموجب قانون مكافحة الارهاب وفي الاخير ما لقاو عندو حتى علاقة المتورطين الاساسيين اللي شراو من المحل ديالو تذاكر للسفر للمغرب وبلجيكا وهاذ الشي خلا البوليس يشتبهو ف علاقتو مع الارهابيين المسؤولين عن تنفيذ جريمة الدهس ف برشلونة.

https://www.elconfidencial.com/espana/2022-01-11/justicia-devuelve-15000euros-acusado-fantasma-atentados-barcelona_3355985

موضوعات أخرى

20/01/2022 08:28

العلاقات المغربية الاسبانية مازال مأزمة. رئيس الحكومة: خاص الوفاء فقضية الصحرا والطموح والدول الواضحة معانا سرعنا علاقاتنا بيها