كود سبور//

ربح الإسباني رودريگو هيرنانديز، المشهور برودري لاعب مانشستر سيتي النگليزي، جائزة الكرة الذهبية 2024، لأحسن لاعب فالعالم.

وتختار رودري لاعب منتخب إسبانيا ومانشستر سيتي، كأحسن لاعب فالعالم من طرف جريدة “فرانس فوتبال”، اللي كاتمنح الكورة الذهبية، وعطاتو البالون دور لعام 2024.

وجا اختيار رودري بعدما توج ببطولة النگليز مع مانشستر سيتي لموسم 2023-2024، وكاس أوروبا 2024.

وتفوق الإسباني رودري على البرازيلي فينيسيوس جونيور نجم ريال مدريد الإسباني، وسط جدل كبير واش كايستاهل نجم المان سيتي البالون دور على نجم ريال مدريد، حيث بزاف ديال المتتبعين كايقولو أن فينيسيوس يستاهلها وكانو كايتوقعوه هو اللي يربحها.