گود سبور//

مازال غادي يكمل الدولي المغربي اسماعيل الصايباري فالعياب ديالو على فرقتو الجديدة بايرن ميونخ الالماني، بسبب الاصابة اللي كانت جاتو مع المنتخب المغربي ضد كندا فثمن نهائي مونديال 2026 فهيوستن الميريكانية.

وحسب جريدة “Sport.de” الألمانية فإسماعيل الصايباري اللي توعت فالفخذ ديالو، وتأكدو بايرن ميونخ ملي وصل عندهم من ورا المونديال، ان الاصابة اللي عندو جاتو فالالياف الفخذ، خاصو مازال يتبع العلاج وما يقدرش يبدا التداريب مع الفريق.

نفس المصدر وضح ان إسماعيل الصايباري غادي يغيب على معسكر بايرن ميونخ الإعدادي للمواسم الجاي، وعلى واحد الجولة ديال الفرقة فآسيا من فاتح غشت حتى نهار 8 من نفس الشهر، وغادي يبقى مركز على العلاج فميونخ.

وكان إسماعيل الصايباري سنا مع بايرن ميونخ الالماني فشهر يونيو اللي فات، ودوز التيست ميديكال ديالهم فمعسكر المنتخب المغربي فميريكان، ووقع معهم عقد المدة ديالو 4 سنين حتى ليونيو 2030.