گود سبور//

كذّب الدولي المغربي عبد الحميد الصابيري اللي ما بقى كايجي للمنتخب المغربي من مونديال 2022، بعدما تراجع مستواه بزاف، (كذّب) خبار الانتقال ديالو للرجاء الرياضي.

عبد الحميد الصابيري حط واحد السطوري فانستغرام فيها تصويرة ديالو مع جواد الزيات رئيس الرجاء الرياضي والتوني ديال الخضرا، باينة مصوبة بالذكاء الاصطناعي، وكتب عليها عفاكم ما تبقاوش تنشرو الأخبار الكاذبة.

عبد الحميد الصابيري مول 28 عام، دابا بلا فرقة بعد تجارب كانت فاشلة من ورا مونديال 2022، مع سامبدوريا وفيورنتينا فالطاليان والفيحاء والتعاون فالسعودية وعجمان فالإمارات.