كود سبور//

رجع الدولي المغربي عبد الحميد الصابيري يلعب فالطاليان، بعدما دوز الموسم الماضي فالسعودية.

وعلن فيورنتينا الطالياني على رجوع عبد الحميد الصابيري للفريق ودارو فلاليست ديال الفريق اللي غاتدخل معسكر إعدادي، باش يوجدو للموسم الجاي.

وكان عبد الحميد الصابيري انتقل الصيف الماضي من فيورنتينا إلى الفيحاء السعودي، ولعب معهم الموسم اللي فات، أما بالنسبة لسفيان أمرابط ما كاينش فلاليست ديال فيورنتينا، في انتظار الإعلان على المستقبل ديالو واش غايرجع لهم ولا غايبقى مع مانشستر يونايتد النگليزي اللي لعب معهم بريطي الموسم الماضي.