الرئيسية > آش واقع > الشينوا قطعات علاقات التعاون مع ميريكان بسباب تايوان.. وبلينكن من مانيلا: هادي خطوة ماشي مسؤولة
06/08/2022 18:30 آش واقع

الشينوا قطعات علاقات التعاون مع ميريكان بسباب تايوان.. وبلينكن من مانيلا: هادي خطوة ماشي مسؤولة

الشينوا قطعات علاقات التعاون مع ميريكان بسباب تايوان.. وبلينكن من مانيلا: هادي خطوة ماشي مسؤولة

كود – وكالات //

فأول رد فعل على قطع سلطات بيكين الاتصال مع بلادو، اتاهم وزير الخارجية الميريكاني، أنطوني بلينكن، الشينوا باتخاذ “خطوات ماشي مسؤولة” اليوم السبت بوقفها  لقنوات التعاون والاتصال الرئيسية مع واشنطن.

وقال بلينكن بللي تحركات الشينوا فتايوان كتبين عدم اهتمامها بأولوية الحل السلمي وتفضيلها لاستخدام القوة والحل العسكري.

وجات تصريحات بلينكن فالوقت اللي بدات فيه الشينوا مناورات عسكرية كتقلد عملية هجوم على تايوان، حسب مسؤولين فالجزيرة اللي عندها حكم ذاتي ولكن ديما كتعتابرها بيكين طرف من بلاد الصين الكبرى.

وهاد المناورات قرراتها الشينوا فإطار خطوات أخرى من بعد الزيارة اللي دارتها رئيسة مجلس النواب الميرالميريكاني، نانسي بيلوسي، هاد السيمانة لجزيرة تايوان.

وقال بلينكن فمؤتمر صحفي فالعاصمة الفلبينية مانيلا بللي هاد الرد الصيني بوقف عمليات التعاون الثنائية ف8 ديال المجالات كبيرة واستراتيجية، منها الدفاع ومحاربة المخدرات والجريمة عبر الحدود وتغير المناخ، (هاد الرد) غادي يضر بزاف العالم كلو وماشي غير ميريكان.

وزاد وزير خارجية ميريكان قال: “قنوات التعاون والاتصال العسكرية بين بلدانا هي حيوية وضرورية باش نتفاداو الأزمات وسوء فهم بعضياتنا”.

وأكد أنطوني بلينكن أيضا بللي توقيف التعاون المناخي حتى هو ماكيضرش بلادو ميريكان ولكن العالم كلو غادي ياكل الدق، وخاصة الدول النامية. و زاد وضح: “خاص التعاون بيناتنا يكون بعيد على الخلافات ومايبقاش رهينة ليها”.

موضوعات أخرى

19/08/2022 17:30

خاص. الشراكة الاسبانية المغربية وصلات للصحة: ايت الطالب غايطير لمدريد للقاء نظيرتو كارولينا ومسؤولين اسبان وها التوجهات الكبرى لهاد الزيارة