وكالات//

ناوية المدارس الابتدائية والثانوية فبكين تدرًس الذكاء الاصطناعي للتلاميذ مع بداية العام الدراسي الجاي.

وكالة “شينخوا” الصينية قالت إن المدارس فالعاصمة غادي تخصص على الأقل 8 دساعات دراسية لكل عام دراسي، ابتداءً من الفصل الدراسي اللي غادي يبدأ فشهر شتنبر الجاي.

المدارس يمكن ليها تدير هاد الحصص كدروس مستقلة أو تدمجها مع المواد الدراسية اللي كاينة بحال تكنولوجيا المعلومات أو العلوم.

لجنة التعليم ديال بلدية بكين قالت فبيان ليها إن “الأساليب ديال التدريس غادي تكون مبتكرة، باستعمال أجهزة مرافقة وأدوات مساعدة بالذكاء الاصطناعي، وبرامج مساعدة ذكية باش يسهلوا التعلم من خلال الحوار بين الإنسان والآلة”.