الرئيسية > تبركيك > الشيف موحا خدا الجائزة الثالثة فكونكور عالمي للطبخ.. وصرح لـ”كود”: أنا فرحان.. ومزيان نعرفو بالطبخ ديالنا فهاد التظاهرات العالمية
14/11/2020 11:00 تبركيك

الشيف موحا خدا الجائزة الثالثة فكونكور عالمي للطبخ.. وصرح لـ”كود”: أنا فرحان.. ومزيان نعرفو بالطبخ ديالنا فهاد التظاهرات العالمية

الشيف موحا خدا الجائزة الثالثة فكونكور عالمي للطبخ.. وصرح لـ”كود”: أنا فرحان.. ومزيان نعرفو بالطبخ ديالنا فهاد التظاهرات العالمية

عفراء علوي محمدي- كود//

حصل محمد فضال، المعروف بلقب “الشيف موحا”، على الجائزة الثالثة، فالكونكور الدولي TAPAS 2020، اللي شاركو فيه مؤخرا فاسبانيا طباخين كيمثلو أكثر من 50 دولة.

والجائزة الأولى فهذ الكونكور كانت من نصيب الأرجنتين، والثانية حصلات عليها المغرب، وبفضل موحا اللي مثل المغرب فهذ المسابقة المغرب جا الثالث، بعدما قدم موحا اكلة التريد على شكل Tapas.

وفتصريحو ل”كود” حول الحدث، قال الشيف موحا أن انه تكاليفيا مع 15 طباخ عالمي من دول معروفة بطبخها المتميز، بحال فرنسا والنرويج وإسبانيا وإرلندا، لكن واخا هكذاك استطع يظفر بالفوز.

وزاد موحا أنه تعذر عليه المشاركة بشكل شخصي فالكونكور، وكوتشا طباخ إسباني اللي استغرق مدة شهر باش يتقن الطياب ديال التريد المغربي.

وقال موحا أنه مرحان، وأكد أنه مزيان المغرب يبان فالواجهة فبحال هذ المحافل العالمية، خصوصا وأن الصحافة من مختلف الدول كانت حاضرة، وتكلمات على هذ التظاهرة بشكل كبير..

موضوعات أخرى