كود سبور//

بداو لاعبين المنتخب المغربي اليوم الاثنين، كيوصلو لمركز محمد السادس لكرة القدم فالمعمورة، باش يبداو يوجدو الماتشات الوديين ضد أنگولا وموريتانيا.

وووصل قبل لحظات من ظهر اليوم الاثنين محمد الشيبي لاعب بيراميدز المصري لمركز محمد السادس، باش يكون أول واحد حضر استعدادا للمعسكر التدريبي اللي غيبدا اليوم الاثنين، وغيوصل باقي اللاعبين هاد العشية بما فيهم إبراهيم دياز نجم ريال مدريد الإسباني، وإلياس أخوماش لاعب فياريال الإسباني وإلياس بنصغير لاعب موناكو الفرنسي، ويوسف لخديم لاعب ريال مدريد الإسباني.

وغيكون فطور جماعي هذه العشية بين اللاعبين فمركز محمد السادس لكرة القدم، وبعدها غيبداو المعسكر التدريبي ويوجدو لمواجهة كل من أنگولا يوم 22 مارس وموريتانيا يوم 26 من نفس الشهر فمدينة اكادير.