گود سبور//

عرفو كل من نهضة بركان والجيش الملكي المنافسين ديالهم فالدور التمهيدي من دوري أبطال إفريقيا.

وطيحت قرعة دوري أبطال إفريقيا اللي تسحبت اليوم السبت بالعاصمة التنزانية دار السلام، نهضة بركان بطل المغرب وكأس الكونفدرالية ضد فريق أسكو كارا التگولي.

أما الجيش الملكي الممثل الثاني للكرة المغربية فالشومبيونزليگ، طاحو ضد فريق ريال بانجول الگامبي.

الفريقين المغربيين بجوجهم لاعبين الذهاب عند خصومهم، ما بين 19 و21 شتنبر، والروتور فالمغرب ما بين 26 و28 من نفس الشهر.