كود سبور//

خرجو الرجاء الرياضي وشباب المحمدية معادلين فالشوط الأول من الماتش اللي بادي بينهم اليوم الاحد فتيران العبدي فالجديدة، ضمن الدورة 10 من البطولة الاحترافية لكرة القدم.

وسالا الشوط الأول بين الرجاء وشباب المحمدية بالتعادل السلبي زيرو لزيرو، وعرف الشوط سيطرة رجاوية كبيرة على المجريات ديالو ولاعبين الخضرا كانوا الأكثر استحواذا على الكورة، ولكن ماقدروش يماركيو بالرغم من الفرص الكثيرة اللي خلقو، فالوقت اللي بقاو لاعبين شباب المحمدية راجعين إلى الوراء بدون ما يديرو شي خطورة، ومكتافين بالدفاع على مرماهم أمام عناصر الرجاء اللي نقصاتهم اللمسة الأخيرة فكثر من مرة، وطغى عليهم التسرع وسوء التركيز.

ومن المنتظر يعرف الشوط الثاني من الماتش ضغط أكبر ديال الرجاء الرياضي، اللي خاصهم يقلبو على الرباح من هذا الماتش بأي طريقة باش يبقاو فالصدارة وعلاش لا ينفاردو بها، أما شباب المحمدية فغالبا غيبقاو يدافعو حفاظا على التعادل اللي غيعطيهم نقطة واحدة ثمينة، في انتظار إذا جاتهم شي كورة على غفلة يفاجئوا بها الرجاء.