05/10/2023 03:00
في شهر التحسيس بسرطان الثدي.. روبو جديد في الصيدليات للكشف المبكر على هاد المرض
كود سبور//
من المنتظر يرجع محمد الشناوي الكابيتان ديال الأهلي المصري خصم الوداد الرياضي فالفينال د عصبة أبطال إفريقيا، للتداريب مع فريقو خلال الساعات المقبلة بعد أيام من الغياب وسط مخاوف حول الجاهزية ديالو واخا الفريق المصري أكد أنه لاعب النهائي.
وحسب موقع “في الكول” المصري القريب من المواطن ديالو نادي الأهلي، فمحمد الشناوي وبعدما تأكد أنه غيلعب فينال عصبة أبطال إفريقيا ضد الوداد الرياضي، حسب ما أعلن عليه فريقو، فغيبدا يوجد مع صحابو للفينال، وخلال 48 ساعة المقبلة غيرجع للتداريب اللي غاب عليها هادي مدة بسبب الإصابة.
وبالرغم من تأكد حضور محمد الشناوي مع الأهلي المصري فالفينال ديال العصبة ضد الوداد الرياضي، ولكن مكونات الفريق المصري وجمهورو خايفين لا ما يكونش جاهز 100% أمام بطل إفريقيا الوداد، خصوصا فماتش الذهاب بمصر اللي غيتلعب يوم 4 يونيو، أما الروتور غيكون بكازا يوم 11 من نفس الشهر.
