الرئيسية > آش واقع > الشمال تصابو فيه 35 وكازا 33.. وها كيفاش توزعات 136 إصابة جديدة بكورونا على باقي الجهات
11/07/2020 10:30 آش واقع

الشمال تصابو فيه 35 وكازا 33.. وها كيفاش توزعات 136 إصابة جديدة بكورونا على باقي الجهات

الشمال تصابو فيه 35 وكازا 33.. وها كيفاش توزعات 136 إصابة جديدة بكورونا على باقي الجهات

عفراء علوي محمدي- كود//

من 136 إصابة جديدة بفيروس كورونا تسجلات فهذ 16 ساعة الأخيرة، جهة طنجة تطوان الحسيمة سجلات أكبر عدد دالإصابات (35) ووصل المجموع فيها ل3003.

بعدها مباشرة كاتجي جهة كازا سطات ب33 إصابة جديدة، باش توصل ل3903 فالمجموع، ثم جهة مراكش آسفي اللي بلغات 2739 إصابة بعدما سجلات 25 إصابة، وبعدها جهة العيون الساقية الحمرا اللي سجلات 19 إصابة ووصلات ل813 مصاب.

بالنسبة للجهات الأخرى، فكَلميم وادنون سجلات هذ الصباح 10 إصابات، ووصل عندها المجموع ل145، والجهة الشرقية سجلات 6، ووصلات ل254، وجهة الرباط سلا القنيطرة سجلات 3، ووصل فيها المجموع ل2035، ثم جهة فاس مكناس سجلات جوج إصابات، ووصلات ل1697.

وفالمقابل، ماسجلاتش جهات درعة تافيلالت وبني ملال خنيفرة وسوس ماسة وجهة الداخلة واد الذهب حتى إصابة جديدة، وبقا عدد المصابين فيهم مستقر ف586 و164 و97 و17 مصاب على التوالي.

وفالمساء “كود” غتوافيكم بباقي التفاصيل المتعلقة بالوضعية الوبائية للجهات والأقاليم بالتفصيل.

موضوعات أخرى

03/08/2020 22:30

مجموعة “درابور رمال” جوهرة الصناعة البحرية كتاهم الوزير اعمارة بهدمها وحملاتو مسئولية تسريح 250 مستخدم فظل الجايحة