31/05/2023 17:30
ملف مافيا العقار بـ”ولاد الطيب” اللي متزعمها الفايق قريب يسالي فالمرحلة الاستئنافية.. المحكمة اعتبرت أن القضية جاهزة وها وقتاش غادي تبدا مرافعات الوكيل العام وهيئة الدفاع
كود برشيد //
المدينة ولات تعرف مؤخرا عمليات السرقة آخرها وقعات الخميس بحيت تمت سرقة مبلغ مالي مهم في واضحة النهار، من داخل وكالة “كاش بلوس” المتواجدة بشارع الداخلة بمدينة برشيد، من طرف شخصين بعدما قاما بتعنيف المستخدمة، اللي كانت كتنظف الوكالة.
فالسياق ذاتو كشفات مصادر ان الشفارة دخلو للوكالة المالية وواحد منهم جبد سيف في وجه العاملة، وإستولو على مبلغ مالي قدراتو مصادرنا ب 20000 درهم، وهربو لوجهة مجهولة .
المصدر قال ان هاد العملية ماشي هي الاولى، بل سبقها عمليات اخر ديال الشفرة، مما دفع بالساكنة تطالب من والي الامن محمد الدخيسي، مدير الشرطة القضائية ومكتب “الإنتربول” بالمغرب، باش يدير حملة امنية كبيرة ببرشيد ،وذلك بعدما كثرة السرقات بالخطف والكسر بالمدينة .
المصدر امد لـ”كود” ان مصالح الشرطة حضرو مكان الحادث ومعهم عناصر الشرطة العلمية واجرو معاينة اولية بمسرح الجريمة وفتحو تحقيقا قضائيا تحت اشراف النيابة العامة المختصة لمعرفة ظروف وملابسات النازلة .
