اسماء غربي – كود//

لم يكن المصور الصحفي الحائز أكثر من مرة على الجائزة الوطنية للصحافة صنف الصورة عبد المجيد بزيوات، لي تيشتغل في مجموعة ايكوميديا لي تتصدر عنها ليكونيمست والصباح، يظن أن الهاتف ديالو المحمول غادي يتسرق ليه من داخل مطعم البرلمان.

هاذ الصحفي المصور، بمجرد ما سالا من وجبة الغداء، ومشى يغسل يديه، ومنين رجع لقى هاتفو تسرق ومطفي.

وأول إجراء قام به، هو مشى يعلم رجال الأمن ديال البرلمان، ولكن هاذ الشفار معلم، حيت البلاصة لي كان فيها الصحفي جالس ما فيهاش الكاميرات.

دابا خص رئيس مجلس النواب يفتح تحقيق، ماشي حيت صحفي تشفر ليه بورطابل، ولكن حتى لا تتكرر الشفرة داخل المؤسسة التشريعية.