كود سبور//

تعرض النجم السابق لمنتخب البرازيل زيگو للسرقة فمدينة باريس الفرنسية، اللي متواجد فيها كضيف مع بعثة البرازيل على هامش افتتاح أولمبياد “باريس2024”.

وحسب جريدة لوباريزيان الفرنسية، فزيكو گريساوه فباريس وداو له شكارة من الطوموبيل فيها الفلوس وساعة رولكس وألماس، ومشى دار ديكلاراسيون عند البوليس الفرنسي.

ووضح نفس المصدر ان داكشي اللي داوه السفارة لزيكو القيمة ديالو 542 ألف دولار، وراه دابا الأمن كايديرو التحقيقات ديالهم فالواقعة.