كود سبور//

تعرض لكول الإيطالي جيانلويجي دوناروما حارس مرمى باريس سان جيرمان الفرنسي، هو ومراتو للشفرة والاحتجاز فدارهم بالعاصمة الفرنسية باريس الليلة الماضية.

وكشفت شبكة RMC الفرنسية أن شي شفارة دخولو لدار كول باريس سان جيرمان الفرنسي جيانلويجي دوناروما، واحتجزوه هو ومراتو وكاع اللي كاينين فالدار وربطوهم، وكرساوهم، قبل ما يقدرو يهربو يمشيو لشي أوطيل قريب والمسؤولين د الفندق عيطو للبوليس.

وحسب نفس المصدر فالكول دوناروما مضروب فراسو وعندو نزيف وراه فالسبيطار ومراتو ما عندها والو، والشفارة سرقو شي حاجات غاليين من الدار بحال الساعات والمجوهرات كتوصل قيمته إلى 500 ألف أورو، والشفارة مازالين هربانين والبوليس كيقلب عليهم.