كود سبور//

اندلعت أحداث شغب خطيرة الأحد فتيران 8 ماي فسطيف بالجزائر، من بعدما سالا الماتش ديال وفاق سطيف وشباب قسنطينة فالجولة 6 من البطولة الجزائرية، وهادشي مع اقتراب موعد انطلاق كأس للمحليين فالجزائر.

وحسب ما تناقله بعض رواد مواقع التواصل الاجتماعي الجزائريين قامت جماهير وفاق سطيف مع نهاية الماتش بالاعتداء على انصار شباب قسنطينة بالحجر والشهب الاصطناعية، وناض ليهم البوليس الجزائري اللي كان فالتيران وهي توقع شتيباكات ما بيهم.

الجمهور ديال وفاق سطيف هاج على جمهور قسنطينة وتكرفص عليه، وخا البوليس حاول يعتقهم واحتاج أكثر من ساعة ونص باش يخرج المشاغبين ديال سطيف من التيران، والغريب فالأمر أن الإعلام الجزائري ساكت وضارب الطم قدام هاذ الظاهرة الخطيرة اللي فالتيرانات الجزائرية فحالا ماكين والو.

وكتجي أحداث الشغب فالتيران ديال الجزائر بالتزامن مع زيارة باتريس موتسيبي رئيس الاتحاد الإفريقي لكرة القدم للجزائر الويكاند اللي فات، لحضور قرعة كأس أمم إفريقيا للمحليين 2022، واللي غتقام العام الجاي، الأمر اللي كيخلي الشكوك تحوم حول قدرة الجزائر على تنظيم البطولة، والأكثر من هاذشي هو أنها باغيا تستضيف كأس إفريقيا للأمم 2025، حيث سمعت المغرب غادي يحط طلب باش يترشح لتنظيم المسابقة.

روابط:

https://fb.watch/fWM2tJCTvZ/

https://www.facebook.com/100007758523432/videos/661496041949501/

https://fb.watch/fWM5YvGtm7/