كود سبور//

ناضت البارح الاربعاء بالليل فمدينة شتوتگارت الألمانية اللي فيها كاس أمم أوروبا2024، ووقع فيها اعتداء بالسلاح الأبيض على عدد من الاشخاص.

وكشفت الشرطة الالمانية فبلاغ لها اليوم الخميس، أنه ناضت مضاربة فمنطقة المشجعين، وأن البوليس شدو شخص عندو 25 عام مشتبه فيه بضرب 3 الرجال فشي نزاع.

ووضحت الشرطة الالمانية ان المشتبه فيه استخدم الموس فالاعتداء ديالو، وتم نقل الضحايا للسبيطار باش يتعالجو، أما المتهم راه تشد وبدات التحقيقات فظروف وملابسات الحادث.