كود- وكالات  //

البحث العلمي كيبين أن المتعة الجنسية عند المرأة كتتأثر بعوامل اجتماعية ونفسية، وماشي غير بالعلاقة مع الشريك وانما حتى الشعور بالذنب، الضغط الاجتماعي، والتوقعات الثقافية كتخلي بزاف ديال العيالات ما كيعرفوش شنو كيعجبهم فعلاً فالجنس، الأخصائية فعلم الجنس ”مونيكا براني“ كتقول أن المتعة كتولي شي مرات مرتبطة بإرضاء الشريك كتر ما تكون تجربة شخصية مرتبطة بالإحساس والعاطفة ،هاد الظاهرة كتزيد تعقد الموضوع خصوصاً مع نقص التثقيف الجنسي اللي خاصو يركز على معرفة الذات، كتقول الباحثة ان العيالات ما عارفينش كيفاش يكتاشفو المتعة ديالهم، وهاد الشي كيخلق فجوة كبيرة بين الفهم العام للجنس والواقع الشخصي ديالهم.

من جهة أخرى القلق كيأثر بشكل مباشر على القدرة على الاستمتاع مع الحياة اليومية العامرة ضغط  كتخلي المرأة دائما تحت التوقعات، وهادشي كيخلي الجسم ينتج هرمون الكورتيزول اللي كيمنع الاسترخاء ويقطع الاتصال مع الإحساس الجنسي، حتى العوامل البيولوجية  كيقول البحث كتزيد تعقد الموضوع بحال الحمل والرضاعة اللي كيأثرو على الرغبة ،”براني“ كتوضح أن الفهم الواقعي للجنسانية واستكشاف الذات بلا خوف أو ذنب كيعاون المرأة على عيش تجربة جنسية حيقيقية وممتعة وبعيدة على القيود الثقافية والمقارنات مع الآخرين.