سمير الباتول ـ كود//

“الفد تيفي 3” كانت معولة عليها دوزيم باش تكون في طوب ديال المشاهدات في رمضان. القناة الثانية عولات على إثر كبور باش تجيب المشاهدات. اعتقدت أن شخصية كبور مازال كتجذب. هو أي شخصية عروبية كتجذب لمغاربة. ما هو عروبي كيضحك لمغاربة. ولاد ايزة راهن على نفس تيمة. دنيا بوطازوت لي مثلات دور أم في دوار قاسحة وكبيرة… ممكن أنها تغلبات على كبور. يزة العروبية احتفظت بأشياء كثيرة من شخصية الشعبية بحال شوية في الشمل، الصرامة، المقالب الفكاهية..

في جولة بين أحياء شعبية بعد آذان المغرب وقفت “كود” في الكثير من الأحياء الشعبية على صوت مي يزة يخرج من نوافذ البيوت بعد الفطور. هادشي ما كانش قبل….غير رمضان لي فات كنتي كتسمع غير دوزيم، كاميرا خفية. آش وقع. هل شعيبية تغلبت على كبور؟

أرقام المشاهدات أكدت هادشي لأن ولاد يزة يتصدر البرامج الأكثر مشاهدة بعد الفطور سواء في الأولى أوالثانية. المهم هذا إحساس عام وتاكد بالأرقام. “الفد تيفي 3″ لا يوجد ضمن لائحة الطوب 10 خلال هاد رمضان. يمكن في يوتوب وأنترنت واقع آخر. وحتا في القهاوي بعد الفطور بزاف صرحوا لـ”كود” أن كبور “حماض”.

“الفد تيفي 3” فيها ثلاثة شخصيات كبور (لي ولا سميتو الموسطاش) وهيلمان وأبو العنب. دوزيم فضلات تبدا بكبور على الرغم من قوة شخصية هيلمان. فكاهة حضرية تستمتد قوتها من الأحياء الشعبية وكترسل بزاف الميساجات.