الرئيسية > كود-تيفي > الشعبوية والرشوة فهاد لاكريز ماواكلاش.. أردوكَان دار فراسو الضحك فاش مشا زار ضحايا الفيضانات فـ تركيا ولاح ليهم أتاي باش يسكتهم – فيديو
28/07/2021 02:00 كود-تيفي

الشعبوية والرشوة فهاد لاكريز ماواكلاش.. أردوكَان دار فراسو الضحك فاش مشا زار ضحايا الفيضانات فـ تركيا ولاح ليهم أتاي باش يسكتهم – فيديو

الشعبوية والرشوة فهاد لاكريز ماواكلاش.. أردوكَان دار فراسو الضحك فاش مشا زار ضحايا الفيضانات فـ تركيا ولاح ليهم أتاي باش يسكتهم – فيديو

كود – وكالات //

الرئيس التركي رجب طيب أردوكَان، دار الضحك فراسو، من بعد ما تلاقا ضحايا الفيضانات فمدينة ريزا شمال شرق تركيا، وعوض ما يلقى ليهم الحل لمشاكلهم، كَلس يفرق عليه أتاي، باش يسكتهم.

هذ الحركة غير المدروسة، والشعبوية ديال الرئيس الخوانجي، جبدات عليه غير الصداع مع المتضررين، خصوصا وأنه كان كايلوح ليهم خناشي أتاي من الفوق، بطريقة فيها تكبر واحتقار وعدم احترام للناس اللي عايشين المأساة فهاد المنطقة المتضررة، فالوقت اللي كان خصو يوقف معاهم فالمحنة ديالهم.

وانتاشرات فيديوهات كثيرة  فمواقع التواصل الاجتماعي على هاد الشوهة ديال أردوكَان وهو كايفرق أتاي، وعرفات سخرية كبيرة من جهة، واستنكار وغضب من جهة ثانية.

وكانت الشتا طاحت مجهدة ف منطقة ريزا هاد الأيام، تسببات فـ فيضانات اللي خلفات خسائر فالأرواح، ب3 وفيات وإصابة العشرات، كيف لحقات أضرار مادية.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة

20/09/2021 17:00

لشكر قافز فالسياسة. باوراق قليلة رون التحالف الثلاثي بين لحمامة والتراكتور والميزان. معادلتو: اما الحكومة او مشات ليكم عمودية الرباط وجهة كليميم