كود سبور//

اعترف التونسي معين الشعباني مدرب نهضة بركان ان الفريق ديالو كيعاني بعد خسارة فينال كاس الكونفدرالية الأفريقية الويكاند اللي فات مع الزمالك المصري، وتأكد هذا الشي بخسارة ثقيلة فالبطولة الاحترافية اليوم الجمعة مع الرجاء الرياضي.

وهضر معين الشعباني مدرب نهضة بركان بعد الخسارة مع الرجاء الرياضي بنتيجة 3 لزيزو، وقال ان الفريق ديالو كيدوز من وقت صعيب بزاف ملي خسر الفينال مع الزمالك المصري، وان جميع المكونات ديال النادي خاصهم يوقفو مع اللاعبين ديالهم.

وقال معين الشعباني انه كان كيتوقع يكون الماتش صعيب مع الرجاء الرياضي ولكن ما كانش كيتوقع ان الفريق ديالو يخسر بنتيجة 3 لزيرو، وان بزاف من اللاعبين فنهضة بركان تأثرو بالوضع ديال الفريق حيث ما عندهمش التجربة.