كود سبور- زنجبار//
واجدين نهضة بركان لتحقيق لماتش روتور كاس الكونفدرالية الأفريقية ضد سميبا التنزاني، ومعولين على الرباح ويرجعو بالكاس للمغرب، وهذا الشي اللي اكدو التونسي معين الشعباني مدرب الفريق.
وهضر معين الشعباني مدرب نهضة خلال الندوة الصحافية اللي قبل روتور الفينال ضد سيمبا، وقال: “وجدنا الفريق مزيان، ومستعدين بدنيا وتقنيا وحتى ذهنيا لهذا الفينال، وباغيين نربحو سيمبا ورجعو بالكاس للمغرب ونفرحو جمهورنا”.
وكمل معين الشعباني وقال: “غانلعبو كيفما كانت ظروف الماتش وحنا فريق محترف وخاصنا نتأقلمو مع الظروف وهذا الشي راه مولفينو، وكل ماتش والخصوصيات ديالو وغاندخلو باش ندير نتيجة تخلينا تربحو الكاس”.
