كود جبير ايوب ///

الناس فالبيضاء، ولا بالخصوص فالبركة الحي الحسني، بدات كترحم على “ليدك”! الشركة الجهوية متعددة الخدمات لي خذات بلاصتها، باين عليها ما مستعدةش للخدمة، والنتيجة؟ الضو مقطوع كثر من سيمانة فزنقة فالحي الحسني. الناس كتشكي، وما كاينش لي جا حتى يسول فيهم، بحال إلا كيسناو الضو يجي بوحدو ولا يصبوه! ولكن راه ماشي غير الضو، القوادس والطرقان عامرة حفاري، والشتا الأخيرة عرات على الفشل ديالهم.. فين ما مشيتي كتلقى فيضانات، الناس غارقة، والطريق ديما فيها مشاكل.

شي حفرة هنا، شي طريق مسدودة لهيه، وكل نهار عايشين فالتخمام. السكان ولاو كيسولو: واش هاد الشركة غادي تصلح الوضع ولا غير بدات مسيرتها بالفضايح؟ يلا هادشي غير البداية، راه جاية كارتة مع هادو