الرئيسية > آش واقع > الشركة الإسرائيلية NSO مولات “بيگاسوس”: صافي عيينا من هادشي واللوائح والنماري المروج لها راها كذوب فكذوب
21/07/2021 23:00 آش واقع

الشركة الإسرائيلية NSO مولات “بيگاسوس”: صافي عيينا من هادشي واللوائح والنماري المروج لها راها كذوب فكذوب

الشركة الإسرائيلية NSO مولات “بيگاسوس”: صافي عيينا من هادشي واللوائح والنماري المروج لها راها كذوب فكذوب

اسماء غربي- كود//

الشركة الإسرائيلية NSO، خرجات ببيان باش ترد على هادشي اللي واقع بخصوص برنامج “بيگاسوس” ومزاعم التجسس والنماري اللي خرجوهم بعض الصحف بحال “لوموند” مع “امنيستي” و”فوربيدن ستوريز”.

وبدات الشركة، بيانها، بالتأكيد ان هذا يكفي، واستنكرات الحملة الإعلامية المخططة والمنسقة اللي كتقودها جهات اعتبراتها معروفة الأهداف، وقالت انها لاباقيش غادي تجاوب على اسئلة الاعلام فهاد القضية.

وقالت الشركة، على أن لائحة الأسماء اللي كتروج ليها هاد الجهات، ماعندهاش علاقة بناس سيبلي من “بيگاسوس”، وكلها كذوب فكذوب، والارقام اللي فلاليست ماعندها علاقة بالگروب.

وأكدت الشركة، أن المهمة الأساسية لبرنامج “بيگاسوس” هي ينقدو الأبرياء، من التهديدات الإرهابية، ومساعدة الحكومات فالعالم على منع الهجمات الإرهابية، ويوقفو جرائم البيدوفيليا، وشبكات الاتجار فالجنس والبشر وتهريب المخدرات..

وفسرات NSO فبيانها، انها شركة ديال التكنولوجيا، ماعندها حتى اكسي للسيستيم ولا لمعطيات كلياناتها.

وزادت اكدات الشركة الاسرائلية انها غادي تإيگزاميني بدقة اي حجة على استعمال بالشطط للتكنولوجيا ديالها، كيف كدير ديما، وقالت انها تقدر توقف السيستيم الى ادعتها الضرورة.

https://www.prnewswire.com/news-releases/nso-group-responds-to-ongoing-false-forbidden-stories-allegations-301338703.html

موضوعات أخرى

29/07/2021 16:50

عبد النباوي: مؤسسة قاضي الإتصال اللي دارها المغرب كاتساهم بزاف فـ تنسيق المجهودات بين السلطات القضائية الوطنية والأجنبية

29/07/2021 16:00

حقوق الإنسان والحرية ديال أوروبا هي لي جابت للمغرب التشدد والإرهاب والتطرف والتخلف والنقاب والحجاب والسروال قندريسي ديال الجين واللباس الأفغاني، ومشاكل الشرق وطائفيته وتطرفه دخلات للمغرب عبر أوروبا ماشي من الشرق