كود سبور//

قرر محمد الشرقاوي رئيس اتحاد طنجة الهروب من المسؤولية، بعدما فشكل فحل أزمة النادي وزاد غرق الفريق فالمشاكل التسييرية، حتى والاو اللاعبين عاطينها للاضرابات، ودابا بغى يقدم الاستقالة ديالو.

وأعلن محمد الشرقاوي قبل لحظات من مساء اليوم الخميس، أنه غايطلق رئاسة اتحاد طنجة، وقال فتدوينة على فيسبوك: “أعلن عن تحديد يوم 13 شتنبر 2024، على الساعة الخامسة مساء، كموعد لعقد الجمعيتين العموميتين لموسمي 2023/2022 و 2024/2023، سيتم فيها طرح التقارير الأدبية والمالية للمناقشة والتصويت، وسيتم بعدها الإعلان رسميا عن استقالة الرئيس وأعضاء المكتب المسير، ثم انتخاب رئيس جديد”.

وعكس داكشي اللي كان كايتسناه جمهور اتحاد طنجة من محمد الشرقاوي انه يخرجو من المشاكل اللي عاشها السنوات الماضية، فملي شد النادي عام 2023، وزاد غرق IRT فالأزمة، ودخل فخلافات مع مكونات النادي بحال كيفما وقع مؤخرا مع الشركة الرياضية لاتحاد طنجة على التقرير المالي، فالوقت اللي اللاعبين ديال الفريق بداو الاستعدادات معطلين للموسم الماضي بسبب المستحقات ديالهم اللي كايطالبو بها، حتى تدخل الشركة الرياضية ومكونات المدينة باش دخل للمعسكر التدريبي.