گود سبور//

كيعاني حسين الشحات لاعب الاهلي المصري اللي تعدا على المغربي محمد الشيبي لاعب بيراميدز المصري، من اصابة واعرة فوجهو بعدما تضرب فماتش الاهلي ضد سيمبا التنزاني فربع نهائي دوري أبطال افريقيا.

وكشف الاعلام المصري، أن حسين الشحات تشقق له العظم ديال وجه من ليمن وما كيقدرش يمدغ الماكلة وياكل بطريقة طبيعية، وهو دابا فالسبيطار ومازال تحت العناية الطبية وما تعرفش شحال غيغيب على الاهلي، وملي غيرجع يلعب غيدير ماسك ديال الوجه حسب موقع “في الگول” المصري.

ومتابع حسين الشحات فقضية الاعتداء بالضرب والسب فحق محمد الشيبي فالمحاكم المصرية، واللاعب المغربي قرر يكبرها ويمشي حتى للاتحاد الدولي بسبب هذا الشي باشي يحمي حقو من ضغوطات الاهلي فريق الشحات وتواطؤ الاتحاد المصري.