كود ـ سبور//

كيواصلو لاعبين المنتخب الوطني المغربي لأقل من 17 عام، التألق فمونديالU17، المقام فأندونيسا وهذا الشي بعدما تصدرو الكروب 1 وتأهل لثمن النهائي.

واختار موقع “صوفا سكور” المختص فالإحصائيات ديال اللاعبين والمنتخبات والأندية، نجم المنتخب الوطني المغربي محمد الحموني ضمن أحسن تشكيلة للدورة الثالثة من دور مجموعات مونديالU17.

وتألق محمد الحموني مع المنتخب الوطني المغربي لأقل من 17 عام، فالدور الأول من المونديال وساهم فالرباح ديال الأشبال فالماتش الثالث ضد منتخب إندونيسيا، وكان ورا تسجيل الهدف الثالث ديال ليكيب ناسيونال فالماتش اللي ربحوه بنتيجة 3 لواحد.