كود سبور//

باغيين الشباب السعودي يخليو معهم الدولي المغربي رومان سايس ديما، بعدما لعب معهم بريطي هذا الموسم حيث السد القطري خلاوه لهم بسبب مشكل الكونفوكاسيون اللي كان عند الفريق القطري فالبطولة القطرية.

وحسب مصادر مطلعة، فالمسؤولين ديال الشباب السعودي دخلو فمفاوضات متقدمة مع السد القطري، باش يبقى معهم المدافع المغربي رومان سايس بصفة نهائية، وهذا الشي بعد المستوى اللي قدم مع الفريق فبطولة السعودية وحيث عاونهم بزاف فالماتشات سوا دفاعيا وحتى هجوميا.

واكدت نفس المصادر، أن الشباب السعودي متمسكين برومان سايس، والمفاوضات مع السد القطري غاديا فالطريق الصحيح باش يشريو العقد ديالو بشكل نهائي ويبقى معهم.