گود سبور//

معادلين المغرب والسنغال فالماتش اللي بادي ما بينهم اليوم الثلاثاء فالعاصمة الاوگاندية گامبالا فدومي فينال كاس إفريقيا للمحليين.

وسالا الشوط الاول من الدومي فينال بين المنتخب المغربي والمنتخب السنغالي بنتيجة التعادل الايجابي واحد لواحد، وماركاو السنغال هما الاولين بواسطة لايوس صامب فالدقيقة 16، وماركا التعادل للمنتخب المغربي صابر بوگرين فالدقيقة 23.

الماتش بين المنتخب المغربي والسنغالي كايبان مخنوق، وكل منتخب كايبغي يفرض الأسلوب ديالو التكتيكي، واخا الاستحواذ كان عند المغرب، ولكن السنغاليين خلوق فرص خطيرة.

ومطالب الناخب الوطني طارق السكتيوي باش يلقى الحلول خلال الشوط الثاني، باش المنتخب المغربي يوصل للشبكة ديال السنغاليين ويماركي مع الحفاظ على مرماه نظيفة.