كود الرباط//
رد محمد رضى الشامي، رئيس المجلس الاقتصادي والاجتماعي والبيئي، على القيادي في حزب التجمع الوطني للأحرار محمد أوجار للي اتهم اليساريين بالسيطرة على مؤسسات الحكامة وإصدار تقارير سوداء ضد الحكومة، اليوم بمجلس المستشارين.
وأوضح الشامي، أثناء دراسة مشروع ميزانية المجلس الاقتصادي برسم 2023، في لجنة المالية بمجلس المستشارين، اليوم الخميس، “فاش جيت للمجلس حطيت كاسكيط الاتحاد والتوني ديالو ف الفيسير وعمرني عاودت لبستها فالمجلس.. ومبقاتش قضية واش عندك ارتباط ولا لا والارتباط العاطفي معندوش علاقة بالمؤسسة”.
وتابع الشامي :”رئيس اي مجلس مكيديرش كولشي وكيقول الخلاقات وواقع الحال، مشيرا بلي كاين فريق والعمل كيكون بشكل جماعي”، مشيرا بأن أعضاء ديال المجلس للي كيجيو من النقابات عندهم كفاءات كبيرة جدا، من عدة مركزية”.
وأشار الشامي إلى دور المجلس الاقتصادي والاجتماعي في الوساطة بين الحكومة والنقابات والباطرونا بخصوص مشروع القانون التنظيمي للإضراب، باش يكون التوافق.
وبخصوص واش هو سفير ولا رئيس المجلس الافتصادي، بعدما عينو الملك سفيرا لدى الاتحاد الأوروربي، أوضح الشامي :”مزال ماشي سفير حتى يكون اعتماد، حتى يستقبلك الملك ديك الساعة وتولي سفير رسميا”.
