04/06/2023 20:54
خسارة صغيرة للوداد مع الأهلي بالقاهرة وحظوظ الحمرا قوية فالروتور بكازا باش تربح الفينال وتخلي العصبة بالمغرب
كريم الصوفي – كود//
الذبان الإلكتروني ديال الكابرانات داير حالة، هاد الأيام، للمغني والممثل الفرنسي فوضيل بيلوى اللي عندو الجنسية الجزائرية والمغربية، بسبب تصريح عفوي ليه، خلال لقاء مع راديو أصوات.
فوضيل بكل تلقائية جاوب المذيع على سؤال مباشر، “إذا عطيتك 3 إلى 5 دقائق مع الرئيس الجزائري، آش غادي تقول ليه؟”.
فوضيل جاوب قائلا: “نعرض عليه يشرب معايا أتاي فالمغرب وغادي نرحب بيه ونديه يضرب معايا دويرة بالموطور”. هاذ الجواب معجبش ذبان الكابرانات واتهاموه بالخيانة وبيع نفسه للمملكة واعتابرو تصريحو إهانة لرئيس الدولة والجمهورية الجزائرية.
وحصل فوضيل على الجنسية المغربية، في 2011، بتعليمات من الملك محمد السادس، وصدر ظهير ملكي وتنشر فالجريدة الرسمية. كما تعرض ف 2016، لحملة جزائرية بعد تحية عادية منه لصورة الملك محمد السادس بمهرجان جوهرة بمدينة الجديدة..
