نجوى المالحي-كود//

الجزائريين كعاو وزعفو كيف كيقولو هوما من الشاب خالد حيت غنا للمغرب “موروكو فور ايفر” باش يدعم المغاربة ملي كانو باقيين في الكان.

ولاد بلادو غضبو وعبرو على الكعية في التعاليق ديال الفيديو، وقالو ماعندهمش مشكل مع المغرب، ولكن حيت الجزائر مشاركة عيب يغني على بلاد آخر وزيروه حيت من نهار بدا الحراك في العاصمة مدار حتى رد فعل نهائيا.

وملي خسر المغرب قدام البنين وتقصى، الدزايريا قلبو الاعصاب ضحك وشدو فيه مزيان وتمناو أنه مايغنيش لمنتخب الجزائر واعتابروه فال خايب على الأسود لي كانو غاديين مزيان.