بلال الجوهري ////

فقت فالصّباح وقريت فالجّورنال أنّ مداخيل الحكومة من الشّراب والطّاسة هو مليار ومياتين مليون درهم وشي صرف،وبقيت كنقول مع راسي علاش اليساريين والحداثيين ماعندهمش مع العدالة والتنمية؟هاهو واخا المرجعية الإسلامية كيعترف ضمنيا أن الشّراب مزيان للاقتصاددياللبلاد،حيتاش حافظ على هاد لفلوس وماحرقهاشحيتاش “حرام” وبهذا نقدرونستنتجو أن الحزب أكثر حداثة و تفتّحا من بعض السّكايرية بأنفسهم اللّي تيساليو آخر كاس بالأحاديث و المواعظ حول التّوبة و الموبقات، لأنّه كحزب حاكم عندو كاع التّرسانة القانونية باش يمنع تسويق الشّراب، بحيث إلى قدّم مقترح فهاد الشّأن يقدر يصوّت البرلمان بالإجماع بالقبول، ولكن الحزب واعي بتحدّيات المجتمع و حاجياته و ثبت أنّه الحزب الحداثي الأنسب.

مليار ومياتين مليون درهم ماساهلاشو مكيجمعها غير الفمّ، و لأوّل مرّة مداخيل الدّولة من الشّراب و الطّاسة غادي تكون مرتفعة بزّاف و هادشي بفضل حكومة بنكيران، أموال الشّراب إذا في كلّ مكان و في كلّ مشروع، و بهذا ولّاو السّكايرية مستثمرين وطنيين، لأنّهم في كلّ بيرّة يستثمرون درهما أو أكثر تذهب لبناء مستشفى أو مدرسة و بكلّ قرعة ديالالرّوج تذهب خمسة دراهم لترميم طريق و ربط دوّار بالعالم الحضري.

زيد على هادشي أنّ المواضيع العميقة غالبا ما تناقش حول قرعة دالشّراب أو شيبريبرات باردين، و أغلب المثقذفين و المفكّرين و الفاعلين كيتجمعو في بار لوجود حلول فعلية و ملموسة، وبالتّالي يكون هناك نقاش و استفادة و في نفس الوقت مساعدة الدّولة بنسبة مرتفعة في إنجاز مشاريع و مساندة الحكومة بقيادة العدالة التّنمية في تحصيل نتيجة رائعة في نهاية الولاية، و حتّى العربيدين و الزّنادقة و العاطلين طوعا و كسلا و المجرمين من السّكايرية يؤدّون ثمن خطاياهم للدّولة عند استهلاكهم للخمر،عكس مثلا الإسلامي المتطرّف اللّي كيسبّ فالمجتمع و الدّولة و النّظام و كيحاول وعيا منه يدير أي نشاط فيه تهرّب من تأدية الضّريبة لأنّها بالنّسبة ليه “حرام” حتّى “لا يساند الطّاغوت”، و مع العلم أنّ أغلب الجرائم يرتكبها بنادم ساحي،حيتاش مستحيل تشفر الملايير و تقوم باختلاسات و استغلال النّفوذ و تخطّط لتفويت صفقة لقريب و تدير لخواض و نتا سكران،حيتاش الجرم كيحتاج حضور الوعي بكامله، و صحاب لكريساج و العنف تيكونو تحت تأثير القرقوبيحيتاشكيعطي الجرأة أو ساحيين باش يعرفوك كيفاشيتعاملو مع الضّحية, و تيكون الضّحية المحبوب عندهم هو اللّي شارب و سكران، و هادي مناسبة باش نطالبو الأمن يحميهم حيتاشكيأدّيو ضرائب باهضةكتساهم فتمويل مصاريف جهاز الأمن.

وأخيرا أنا غير مؤهّل باش نجزم فالحلال والحرام ماكنحرّم ما كنحلّلوكنظنّ النّاسديال العدالة والتّنمية أدرى بهاد الأمور اللي أغلبهم عارف بالفقه و الأحكاموكون كانتشي حاجة خارقة ومسألة حياة أو موت وحرام قطعي بحال القتل كون قطعو الشّراب كحزب كامل له كامل الصّلاحيات، والعار والحسنات فهادشي على أولياء الأمر اللّي تيحكموناوحنا ماغاديشنعرفو حسن من الأغلبية اللي صوّتات على العدالة والتّتمية واللي كنظنّ حتى هوما فرحانين بهاد الإنجازات ويستاهلويكونو فخورين بهوماغاديشنعرفو حسن من نواب الأمّة ومشرّعيها.

وفي الأخير مثال خفّة زربا شنو يمكن يتدار بمليار ومياتين مليون درهم اللّي ربحنا بفضل الشّراب

بناء مدرسة بالمرافق ديالها تقريباشي 4 مليون درهم، الأطر اللي غادي يخدمو فيها إيلا قلنا المدخول المتوسّط ديال الأساتذة والإداريين واحد 6500 درهم غادي نضربوها فشي 20 واحد بين أستاذ وإداري لمدّة تسعين عام هي تقريبا متوسّط 12 مليون درهم إذا لحدّ السّاعة خسرنا 16 مليون ديال الدرهم وايلا قسمنا مليار ومياتين على 16 لمليون كتعطينا 75 مدرسة بمرافقها وخلاص الموظّفين فيها كلّ سنة لتربية الأجيال القادمة