عن الوكالات ////

الحرب على ايران دخلات سيمانتها الثالثة. وزير دفاع اسرائيل يسرائيل كاتس وصف هاد المرحلة ب”الحاسمة” وباللي وتيرتها كتطلع وباللي بلادو مستعدة تستامر مادام هاد الشي ضروري. وترامب هدر على “ايران مهزومة” قابلة تتفاوض ولكن، حسبو، هو ما بغاش. فالمقابل ركزات ايران على ضرب دول الخليج. الجيش الايراني دعا سكان الامارات العربية المتحدة الى الابتعاد عن الموانئ

وتوعد الحرس الثوري باش يضرب المصالح الامريكية فموانئ الامارات واحواضها المائية والمواقع العسكرية الميريكانية كرد على هجوم امريكي على جزر ايرانية.

بخصوص معبر هرمز، قال عضو مجمع تشخيص مصلحة النظام في إيران محسن رضائي باللي ما غاديش يتفتح “طالما هناك جنود أمريكيون في دول الخليج.

واوضح ان “الوجود الأمريكي في الخليج هو السبب الرئيسي لانعدام الأمن على مدى الخمسين عاما الماضية، وبدون انسحاب أمريكا من الخليج لا يمكن تحقيق الأمن”.

ورد على ترامب واكد باللي “حنا اللي غاديين نساليو الحرب” وباللي “نوقفوها باش نضمنو تعويضات لخسائرنا كاملة من ميريكان ونتوصلو لضمان امننا فالمستقبل”

وعاود شتارط “انسحاب امريكي من الخليج”