وكالات //
حكمات محكمة فالصبليون على المغامر جورج كينكَ طومسون (George King-Thompson) بالحبس 4 شهور سورسي بسباب تنقيزة من فوق أسرع “تران ديال الموت” (تران أفعواني) فأوروبا فـ”بارك دي جو “بورت أفينتورا اللي غمينة طاراكَونا.
واعتارف المغامر البريطاني، اللي فعمرو 22 عام، بأنه اقتاحم “بارك بورت أفينتورا” الترفيهي (PortAventura World) ف”كوستا دورادا” فمنطقة كاطالونيا، قبل من الافتتاح ديالو، وهبط بالباراشوت من أعلى قمة فالبارك.
و على حساب ما كتب جورنال “ديلي ميل” البريطاني فإنه توجهات لهاد المغامر تهمة اقتحام ودخول مؤسسة مفتوحة للجمهور.
https://www.instagram.com/reel/Cfrd4RSAMI8/?utm_source=ig_web_copy_link
وبان المغامر فمقطع فيديو اللي تنشر وهو كينقز السور باش يدخل للبارك، وطلع للسكة ديال أطول “تران ديال الموت” (Rollercoaster)، ونقز من فوق منها بالباراشوت، والعلو كان فايت 111 ميترو.
