كود كازا //

اليوم 6 فبراير 2025 مع لحداش ونص تقريبا ديال الصباح تعرضات بنت لگريساج فشارع باحماد قبالة اوطيل ايبيس لاگار اللي حدا محطة “كازا ڤواياجور”. البنت كتمشى جاو جوج طيرو ليها صاكها. الغوت ديالها بالجهد ما قدرش يوقف الشفارة.

الغريب ان هادو اللي گريساوها زعمو بزاف. اكبر محطة للترانات فكازا ما محمياش. ما يقدرش المواطن يتمشى بالقرب منها بامان.

لكريساج معروف فكازا. يخطفو ليك تلفون او صاك او يوقفو عليك ويجبدو موس او سيف ويديو ليك اللي عندك. اللي ما مفهومش، علاش مدينة بحال كازا او غيرها ما متبتاش كاميرات فعدد من البلايص. يبداو من المركز ويدوزو لباقي الأحياء

الكاميرات ما غادينش يقللو غير من لگريساج، غاديين ينقصو من التهرگاويت. اللي كيحرگو الضو لحمر واللي كيوقفو فالممنوع واللي كيمشيو بسرعة فالمدن

هاد الشي خاصو يتعمم فكازا والرباط وفاس ومراكش وطنجة وأكادير وغيرها من المدن