سامي العلوي -كود الداخلة //

علمت “كود” أن قرية الصيد “أعريش” المعروفة باسم انتيرفت التابعة للمكتب الوطني للصيد بالداخلة تعيش “سيبة” منقطعة النظير في ظل الغياب التام والكلي لعناصر الدرك الملكي وعناصر السلطة المحلية بسوق انتيرفت اللي احتلوه “الزطاطة” وبداو يفرضو اتاوات على شراية الحوت صحة.

وحسب مجموعة من الشكايات لي توصلات بها “كود ” فان “الزطاطة” دخلو لابسين تونيات صفرين وليمونيين وكايقدمو رأسهم خدامين فالمكتب الوطني للصيد وفي وقت الدلالة كايهزو الحوت صحة واللي ماسكتش ياكل العصا.

المصيبة أن هادشي كايمس بقانونية المزاد والدلالة وهادشي فيه موظفين فالمكتب الوطني للصيد متورطين،بحيث ان سوق الدلالة عامر بالزطاطة وفتوات كايفرضو قانونهم بالعنف والتهديد واللي مابغاش بضرب راسو مع الحيط.

وكيل الملك الملك بابتدائية وادي الذهب توصل بشكايات عديدة؛ والوكيل العام ديال العيون حتى هو باش السلطة والدرك يتحركو يفرضو القانون… مايمكنش سوق كايدخل الملايير مايكونش فيه جدارمي واحد واخا البريكاد بعيدة ب10 مترو على السوق…