وكالات //
قررات الحكومة السويدية تحظر استخدام الهواتف الذكية ف المدارس الابتدائية والإعدادية على المستوى الوطني، وهاد القرار جاء باش يحسن أداء التلاميذ ويقلل من عوامل التشتت فالفصول الدراسية.
هاد القرار تم الإعلان عليه فمؤتمر صحفي من طرف وزيرة التعليم السويدية لوتا إدهولم، اللي أكدت بأن الدراسات العلمية بينات أن التلاميذ كيقراو أفضل من غير ما يستخدمو الهواتف الذكية خلال الحصص.
وقالت الوزيرة بأن الهواتف كتأثر سلباً على التركيز وكتأثر على نتائج الامتحانات، وهادشي خلا الحكومة تاخد هاد القرار.
بموجب هاد القرار، غادي يتم جمع الهواتف من التلاميذ قبل ما يدخلوا للفصول الدراسية، وغادي يتم حفظها فخزائن مغلقة حتى نهاية اليوم الدراسي. والحظر كيشمل حتى المعلمين، اللي غادي يُطلب منهم يحطو هواتفهم ف أماكن مخصصة خلال وقت التدريس.
القرار غادي يدخل حيز التنفيذ ابتداء من 1 يوليو 2026، بهدف خلق بيئة تعليمية أكثر تركيز وانضباط ف المدارس السويدية.
