كود سبور//

صبح يحيى جبران الكابيتان ديال الوداد الرياضي، هو الهداف ديال الفريق بالمسابقات الإفريقية بعدما ماركا اليوم الأحد على إنييمبا النيجيري فذهاب ربع نهائي السوبر ليك.

ورفع يحيى جبران عدد الأهداف ديالو مع الوداد الرياضي فالمسابقة الإفريقية إلى 12 هدف، ماركاها للواك بين عصبة أبطال إفريقيا واليوم فالسوبر ليك الإفريقي.

وفات يحيى جبران كل من اللاعبين السابقين للوداد الرياضي فالأهداف ديال المسابقات الإفريقية إسماعيل الحداد ومحمد الناهيري، اللي ماركين 11 هدف لكل واحد منهم.

بهذا كيكون يحيى جبران ضرب 2 فراخ بحجر واحد، وللا أحسن هداف للوداد فالمسابقات الأفريقية وماركا أول هدف للفريق الأحمر فمسابقة السوبر ليك.