الرئيسية > تبركيك > السواعدة ما بقاش عندهم الفصل 222 اللي عندنا..وزارة الداخلية السعودية: اللي بغى يصوم رمضان يصوم اللي بغى يشحطو حقو هداك مايدوي معاه حد
08/05/2019 10:00 تبركيك

السواعدة ما بقاش عندهم الفصل 222 اللي عندنا..وزارة الداخلية السعودية: اللي بغى يصوم رمضان يصوم اللي بغى يشحطو حقو هداك مايدوي معاه حد

السواعدة ما بقاش عندهم الفصل 222 اللي عندنا..وزارة الداخلية السعودية: اللي بغى يصوم رمضان يصوم اللي بغى يشحطو حقو هداك مايدوي معاه حد

غيثة علام – كود//

انتشرات هاد اليوماين وثيقة يعتقد انها من اصدار وزير الداخلية السعودي عبد العزيز بن سعود بن نائف. وهاد الوثيقة فيها توجيهات وصفت بالهامة لكافة الأجهزة الأمنية وكافة أقسام الشرطة بعدم مساس أي مواطن فطر في رمضان جهرا أو سرا في الأماكن العامة في شهر رمضان 1440هـ، واعتابرات الامر حرية شخصية.

وقالت الوثيقة اللي حصلات “گود” على نسخة منها، أن التوجيه والقرار الجديد تم بتوجيهات ولي العهد السعودي محمد بن سلمان.

الى كان هادشي بصح، والسعودية حيدات تجريم الافطار العلني في رمضان، وحنى فالمغرب مازال عندنا المادة 222 راه شوهتنا شوهة نيت… علما ان الفصل الجنائي 222، فصل وضعو الاستعمار الفرنسي فعهد ليوطي، استهزاءا بالسكان الاصليون، و الاسلام براسو مافيهش شي عقوبة على اللي كايفطر رمضان سواءا كان مسلم عندو عذر او غير مسلم، بلعكس كاينة آية قرآنية كاع كتقول: “لا اكراه في الدين”.

ضروري من الغاء هاد الفصل، واللي مسلم ومآمن بهاد الشهر يصوم، و اللي ماصايمش حيث ماشي مسلم يدبر لراسو و الدولة والمجتمع ماشي شغلهم فيه، وماشي من حقهم يتدخلو فيه، حيت كيف مكتوب فالبيان (كان حقيقي او فايك) هادشي حرية شخصية.

موضوعات أخرى